सगरमाथा शिखरबाट सामाजिक सञ्जालमा ‘लाइभ स्ट्रीमिङ’, अनधिकृत इन्टरनेटको नियमनमा चुनौती

“त्यहाँभन्दा माथि पनि आरोहीहरूले इन्टरनेट प्रयोग गरेको देखिन्छ,” उनले भने, “त्यहाँ उपलब्ध सेवा र उपकरणहरू नियामक निकायको दायरामा भएजस्तो लाग्दैन।”

बीबीसीले सम्पर्क गरेका अधिकांश आरोहीहरूले आधार शिविरभन्दा माथि उपलब्ध हुने इन्टरनेट स्याटलाइटमा आधारित रहेको बताए। जानकारहरू त्यस्ता सेवा “अनधिकृत भएको” र “सरकारको निगरानी वा दायरामा नभएको” बताउँछन्।

नेपाल सरकारका प्रवक्ता तथा सञ्चार तथा सूचना प्रविधिमन्त्री पृथ्वीसुब्बा गुरुङले त्यसबारे अनभिज्ञता जनाउँदै “त्यस्तो कार्य भइरहेको भए तत्काल रोकिनुपर्ने” बताए।