0
Shares
सोलुखुम्बु। सोलुखुम्बु जिल्लाको माप्य दुधकोशी गाउँपालिका–६, भिरकुनामा बोलेरो जीप दुर्घटना हुँदा तीन जना महिलाको घटनास्थलमै मृत्यु भएको छ भने छ जना घाइते भएका छन्। मृतकहरूको पहिचान अझै खुल्न बाँकी रहेको प्रहरीले जनाएको छ।
बा ०१–०३१ च ५९२५ नम्बरको बोलेरो जीप बिहीबार साँझ करिब ६:३० बजे दुर्घटनाग्रस्त भएको हो।
माप्य दुधकोशी गाउँपालिकाबाट महाकुलुङ गाउँपालिकातर्फ जाँदै गरेको सो जीप करिब ५ सय मिटर तल खसेको जिल्ला प्रहरी कार्यालय सोलुखुम्बुका नायब उपरीक्षक मनोजीत कुँवरले जानकारी दिए।