हवाईको किलवेआ ज्वालामुखी विस्फोट, रातो लाभा आकाशमा उकालो

विराटनगर । संयुक्त राज्य अमेरिकाको हवाई द्वीपस्थित किलवेआ ज्वालामुखी मङ्गलवार राति विस्फोट भएको छ। विस्फोटपछि दक्षिणी मुखबाट निस्किएको लाभा रातो मुस्लो आकाशमा ४२० मिटर माथि पुगेको छ भने उत्तरी मुखबाट निस्किएको मुस्लो २८० मिटर उचाइसम्म पुगेको अमेरिकी भौगोलिक सर्वेक्षण (यूएसजीएस)ले जनाएको छ।

बिबिसिका अनुसार विस्फोटपछि छ घण्टा भित्र बुधवार बिहान ज्वालामुखी शान्त भयो। वैज्ञानिकहरूले अनुमान गरेका छन् कि यो अवधिमा करिब एक करोड क्यूबिक मिटर लाभा बाहिर निस्केको थियो।

किलवेआ अत्यन्त सक्रिय ज्वालामुखीमध्ये एक हो र यो विस्फोट हालको चरणमा विगत एक वर्षदेखि निरन्तर जारी छ। वैज्ञानिकहरूले बताएका छन् कि अहिलेको घटना यस चरणको ३९औँ विस्फोट हो र प्रत्येक विस्फोटपछि फेरि विस्फोट हुन केही दिन समय लाग्छ।