0
Shares
काठमाडौँ । सन् २०२५ मा विश्वभर कुल १२८ जना पत्रकारको हत्या भएको अन्तर्राष्ट्रिय पत्रकार महासंघ(आइएफजे) ले बिहीबार जनाएको छ। तीमध्ये आधाभन्दा बढी घटना मध्यपूर्वमा भएको तथ्य प्रकाशमा आएको छ।
(आइएफजे) का महासचिव एन्थोनी बेलाङ्गरले यस विषयलाई ‘विश्वव्यापी रेड अलर्ट’ को रुपमा वर्णन गर्दै भने, “सन् २०२४ को तुलनामा बढेको यो संख्या केवल तथ्याङ्क होइन, यो हाम्रा सहकर्मीहरूका लागि चेतावनी हो।”
विशेष चिन्ता मध्यपूर्वका प्यालेस्टिनी क्षेत्र, गाजामा हमास र इजरायलबीचको द्वन्द्वको क्रममा ५६ जना मिडिया पेशेवरको हत्या भएको तथ्यले बढाएको छ। बेलाङ्गरले भने, “यस्तो कहिल्यै देखेका छैनौँ: यति छोटो समयमा, यति सानो क्षेत्रमा यति धेरै मृत्यु।”
यसका अतिरिक्त यमन, युक्रेन, सुडान, पेरु, भारत लगायतका देशमा पनि पत्रकारहरू मारिएका छन्। उनले हत्याराहरूलाई दण्डहीनता नचल्ने चेतावनी दिँदै, “न्यायबिना, यसले पत्रकार हत्याराहरूलाई बढावा दिन्छ,” भने।
विश्वभर हाल ५३३ जना पत्रकार जेलमा रहेका छन्, जुन विगत आधा दशकमा दोब्बरभन्दा बढी हो। हङकङमा १४३ जना पत्रकारलाई राष्ट्रिय सुरक्षा कानूनको आधारमा जेलमा राखिएको छ। पश्चिमी देशहरूले यसलाई आलोचना गर्दै हङकङलाई सबैभन्दा खराब जेलरको सूचीमा शीर्ष स्थानमा राखेका छन्।
(आइएफजे) का तथ्याङ्क रिपोर्टर्स विदाउट बोर्डर्सको तुलनामा बढी देखिन्छ। यस वर्ष IFJ टोलमा नौ पत्रकार दुर्घटनामा मृत्यु भएका पनि समावेश छन्। रिपोर्टर्स विदाउट बोर्डर्सले ६७ र युनेस्कोले ९३ पत्रकारको हत्या भएको तथ्याङ्क राखेका छन्।
