0
Shares
काठमाण्डौ – अमेरिकामा अध्ययनरत दुई भारतीय विद्यार्थी समातिएका छन् ।
एक वृद्ध व्यक्तिलाई ठगेको आरोपमा महम्मदिलहम वाहोरा र हाजियाली वाहोरालाई प्रहरीले समातेको हो ।
यी दुवै अभियुक्त विद्यार्थी शिकागोको इस्ट–वेस्ट विश्वविद्यालयमा अध्ययनरत थिए । दुवै विद्यार्थी भिसामा अमेरिकामा बस्दै आएका थिए । एल पासो काउन्टी शेरिफको कार्यालयका अनुसार दुवै जनालाई यसै महिना एल पासो काउन्टी जेलमा राखिएको थियो ।
उनीहरूमाथि वृद्धवृद्धाविरुद्धको अपराध, चोरी, डकैती र सम्पत्ति शुद्धीकरणलगायत जघन्य अपराधको आरोप लगाइएको छ ।