रामचरणको फिल्म सेटमा दुर्घटना, केही घाइते, छायांकन रोकियो

भारत- भारतको हैदराबादमा रहेको साउथ स्टार राम चरणको आगामी फिल्म ’द इन्डिया हाउस’ को सेटमा दुर्घटना भएको बताइएको छ ।

सेटमा रहेको पानीको ट्याङ्की फुटेर बाढीको जस्तो अवस्था सिर्जना भएको भारतीय संचारमाध्यमले जनाएका छन् ।

सेटमा भएका सबै सामग्री नष्ट भएका छन् । सबै सामान असरल्ल भएका छन् । यो दुर्घटना पानी प्रयोग गर्ने एक्सन दृश्यको छायांकनको क्रममा भएको थियो । पानीको ट्याङ्की फुटेपछि हजारौं लिटर पानी सुटिङ फ्लोरमा पोखियो । यो दुर्घटनाका कारण ‘द इन्डिया हाउस’को सम्पूर्ण सेट डुबेको जस्तो देखिन्थ्यो ।

उपकरणमा धेरै क्षति भएको छ । घटनामा एक सहायक कोरियोग्राफर र चालक दलका केही सदस्य पनि घाइते छन् । घाइतलाई अस्पताल लगिएको छ । घटनाको समयमा राम चरण सेटमा थिए कि थिएनन् भन्ने कुरा स्पष्ट छैन, तर फिल्मको छायांकन अहिलेलाई रोकिएको छ ।

दुर्घटनाको भिडियो सामाजिक सञ्जालमा पनि भाइरल छ । सेटमा पानी पसेपछि चालक दलका सदस्यले क्यामेरा र उपकरणहरू बचाउने प्रयास गरिरहेको देखिएको छ । क्लिपमा सम्पूर्ण सेट पनि पानीमा डुबेको देखिएको छ ।