अमेरिकाले खारेज गर्‍यो तीन भारतीय कार्यकारीको भिसा

नयाँ दिल्ली । भारतस्थित अमेरिकी दूतावासले भारतीय व्यवसायका तीन कार्यकारी र कर्पोरेट नेताको भिसा खारेज गरेको छ । फेन्टानिल तस्करी गरेको आरोपमा यो निर्णय गरिएको हो ।

फेन्टालिन सिन्थेटिक ओपोइड बनाउन प्रयोग गरिने केमिकल हुन् । अमेरिकामा यसको ओभरडोज मृत्युको मुख्य कारणमध्ये एकको रूपमा रहँदै आएको छ । यी व्यक्ति र तिनका परिवारको सदस्यहरू अमेरिकामा यात्रा गर्न अयोग्य रहने बिहीबार आफ्नो विज्ञप्तिमा दूतावासले भनेको छ ।

फेन्टानिल तस्करीमा संलग्न सम्बन्धित कार्यकारीका कम्पनीसँग सम्बन्धित कार्यकारीहरूले अमेरिकाका लागि भिसा आवेदन दिएमा उनीहरूको कडाइका साथ छानबिन हुने पनि दूतावासले भनेको छ ।

दूतावासले आरोपीहरूको नाम सार्वजनिक गरेको छैन । तर ती भारतीय नागरिक भएको बताएको छ ।