विराटनगरको काली मन्दिरको अतिक्रमित जग्गामा बनिएका घर खाली गराउन मोरङ प्रहरी एक्सनमा |

विराटनगर— विराटनगर स्थित प्रसिद्ध काली मन्दिरको स्वामित्वमा रहेको जग्गा व्यक्तिले आफ्नो नाममा दर्ता गराई अवैध रूपमा उपभोग गर्दै आएको पुष्टि भएपछि अदालतको आदेशमा घर टहरा खाली गराइएको छ।

जिल्ला अदालतको फैसला कार्यान्वयनका क्रममा बिहीबार बिहानैदेखि जिल्ला प्रहरी कार्यालय मोरङको टोली र स्थानीय प्रशासनको रोहवरमा अतिक्रमण गरी बनाइएका संरचना हटाउनुका साथै घर खाली गराउने कार्य सुरु गरिएको हो।

लामो समयदेखि मन्दिरको सार्वजनिक एवं धार्मिक गुठीको जग्गा किर्ते तथा अवैधानिक ढङ्गले व्यक्तिको नाममा दर्ता गरी स्थायी structures (घर-टहरा) समेत बनाएर भोगचलन गरिँदै आएको थियो। मन्दिर व्यवस्थापन समिति र स्थानीयवासीले सार्वजनिक सम्पत्ति फिर्ताको माग गर्दै अदालतमा मुद्दा दायर गरेका थिए।

अदालतले मन्दिरकै पक्षमा फैसला सुनाउँदै अतिक्रमित जग्गा खाली गराउन आदेश दिएपछि प्रहरीले बिहीबार बिहानैदेखि टोली खटाएर जग्गा खाली गराएको हो।

जिल्ला प्रहरी कार्यालय मोरङका अनुसार अदालतको आदेश र मन्दिरको सम्पत्ति संरक्षण गर्ने नीतिको पालना गराउन सो क्षेत्रमा सुरक्षाकर्मी परिचालन गरी भौतिक संरचना तथा सामानहरू सुरक्षित रूपमा हटाइएको छ।