0
Shares
रामेछाप- सामुदायिक बनमा लागेको डढेलो बस्तिमा पस्दा ६ वटा घरगोठ जलेर नष्ट भएका छन् ।
रामेछाप जिल्लाको रामेछाप नगरपालिका वडा नं ५ रामपुरको बसन्त सामुदायिक बनमा लागेको डढेलो बस्तिमा पस्दा ६ वटा घरगोठ जलेर नष्ट भएका छन् ।
हिजो दिउँसो जंगलको बेलटार क्षेत्रबाट शुरु भएको आगो बस्तिमा बस्दा ४ वटा गोठ र २ वटा घर जलेर नष्ट भएको रामेछापका प्रमुख जिल्ला अधिकारी राजुप्रसाद पौडेलले जानकारी दिनुभयो ।
डढेलोले बस्ति भेटेपछि नेपाल प्रहरी, नेपाली सेना, शशस्त्र प्रहरी, स्थानीयहरु समेतको प्रयासमा डडेलो नियन्त्रणको काम भइरहेको उक्त वडाका वडा अध्यक्ष हरिचन्द्र श्रेष्ठले बताउनु भयो ।
डढेलोले रामपुरका ठिङ्ग्रे, चुकिया र स्वाङग्रा गाउँका घरहरु भेटेको छ । अहिले अग्नि रेखा बनाएर आगो नियन्त्रणको प्रयास भइरहेको स्थानीयहरुले बताएका छन् ।
