पुष्पलालको शालिक ढालियो, चोकको नाम ‘जेनजी’

विराटनगर । विराटनगर महानगरपालिका–१ स्थित पुष्पलाल चोकमा रहेको कम्युनिष्ट नेता पुष्पलाल श्रेष्ठको शालिक प्रदर्शनकारीले ढालेका छन्।

सडकमा टायर बाल्दै विरोध प्रदर्शनमा उत्रिएका जेनजी समर्थकहरूले शालिक तोडफोड गर्दै चोकको नाम परिवर्तन गरी “जेनजी चोक” घोषणा गरेका हुन्।

स्थिति नियन्त्रणमा लिनका लागि प्रशासनले चोक नजिकैको क्षेत्र—जसमा प्रदेश प्रमुखको निवास पर्छ—मा कर्फ्यू आदेश जारी गरेको छ। तर, कर्फ्यूबीच पनि प्रदर्शनकारीहरू प्रदेश प्रमुखको निवास आसपास भेला भई नाराबाजी गरिरहेका छन्।