रविले पार्टी खोल्नुअघि ठगी र विश्वासघात गरेका हुन् –रास्वपा कार्यकर्तालाई सूर्य थापाको जवाफ

रास्वपा नेताहरूप्रति कटाक्ष गर्दै थापाले लेखेका छन्, ‘धरौट खारेजीको माग– स्वयं उच्च अदालतमा निवेदन दर्ता ! पुर्पक्षमा थुनामा पठाउने आदेश– बेडरूममा पुगेर अन्तिम इच्छा सोध्ने ? अति भयो ! नयाँ पार्टीमाथि ज्यादती भयो ! यो त पार्टी खोल्नुअघिको बचत हिनामिना, ठगी र अपचलन हो, बचतकर्तामाथिको घात र विश्वासघात हो ।’

थापाले न्यायालयको फैसलाविरुद्ध सिंगो पार्टीको रूवाबासी चलेको भन्दै लेखेका छन्, ‘हरेक व्यक्तिले आफ्नो पौरखका दशा र दुर्दशा त भोग्नुपर्छ ।’

उच्च अदालत तुलसीपुरको बुटवल इजलासले लामिछानेलाई शुक्रबार सुप्रिम सहकारी ठगी प्रकरणमा जेल पठाउने आदेश गरेको थियो ।

सोही दिन लामिछाने काठमाडौंबाट पक्राउ परेका थिए । शनिबार रुपन्देही लगिएका लामिछानेलाई सोमबार कारागार चलान गर्ने तयारी छ ।