प्रतिनिधिसभाले बनायो भदौ १५ गतेसम्मको क्यालेन्डर, कति दिन बस्छ बैठक ?

काठमाडौँ । प्रतिनिधिसभाको कार्य व्यवस्था परामर्श समिति बैठकले आगामी भदौ १५ गतेसम्मको पाक्षिक क्यालेन्डर तय गरेको छ । सभामुख देवराज घिमिरेको अध्यक्षतामा बुधबार प्रतिनिधिसभा बैठक अघि बसेको बैठकले पाक्षिक क्यालेन्डर तय गरेको हो ।

तय गरिएको क्यालेन्डर अनुसार भदौ १५ गतेसम्म प्रतिनिधिसभा बैठक २ दिन मात्रै बस्नेछ ।

भदौ ५ र ६ गते मात्रै बैठक बस्ने क्यालेन्डरमा उल्लेख छ । हिन्दु महिलाहरूको चाड हरितालिका र श्रषिपञ्चमी पर्ने भएकाले बैठक नबस्ने सहमति बनेको सङ्घीय संसद् सचिवालयले जानकारी दिएको छ ।