लोडशेडिङको चिन्ताबीच एकातिर बाङ्ग्लादेश विद्युत् निर्यात सुरु हुँदै, अर्कातिर विद्युत् खेर जाने जोखिम

वर्षासँगै नदी प्रवाहमा आधारित जलविद्युत् आयोजनाहरूको उत्पादन बढ्ने गर्छ।

उत्पादन बढेसँगै रातको समयमा बिजुली खेर जाने जोखिम हुने र प्रसारण लाइनको अभावमा पनि कतिपय आयोजनाका उत्पादन खेर जाने गरेका विवरण छन्।

प्राधिकरणका प्रवक्ता राजन ढकालले त्यस्ता समस्या हल गर्न प्रयत्नरत् रहेको र असार १ गतेदेखि बाङ्ग्लादेशतर्फको निर्यातका निम्ति आफूहरू सहज अवस्थामा हुने बताए।

हिउँदमा भने नेपालले भारतसँग बिजुली किन्दै आएको छ। प्राधिकरणका अधिकारीहरू अहिले पनि दिनमा भारतबाट दिनहुँ चार सय मेगावाटसम्म विद्युत् आपूर्ति भइराखेको बताउँछन्।